Multimedia-liburutegi Digitalak

Multimedia-testuinguruak testu digitalak (liburu digitalak kasu) zein irudiak, bideoak eta soinuak barne hartzen ditu, baina baita 3D edukiak eta esperientzia elkarreragileak ere.  

Multimedia-liburutegi Digitaletako teknologiek xede dute multimedia-informazioaren biltegiratze handiak eskuratzea, sortzea (egiletza), prozesatzea, analizatzea, gordetzea, bilatzea eta banatzea, batik bat Ondare Kulturalean eta Ikus-entzunezko Sektorean garrantzitsua den multimedia-informazioari dagokionean.

Vicomtech-IK4 Multimedia-liburutegi Digitalen gaineko ikerketa gauzatzen du, alderdi hauetan oinarrituz: Fidagarritasuna eta Segurtasuna (Jatorria eta Eskubideen Kudeaketa barne) eta Esperientzien Sorrera (egiletza-tresnak, kanal anitzeko bistaratzea eta elkarrekintza eta bilaketa/arakatzea barne).

  • Jatorri Digitalak aukera ematen du multimedia-eduki zehatzen jatorria aurkitzeko, multimedia-balio baten osotasuna, kronologia, zaintza eta kokalekua adierazita.
  • Eskubide Digitalen Kudeaketarako teknologiei esker, multimedia-balio baten jabearen eskubideak manten daitezke, multimedia-edukiak kontsumitzeko, kopiatzeko, inprimatzeko eta aldatzeko erabilera-baimenak kudeatzeko mekanismoen bitartez.
  • Egiletza Tresnak ordenagailu bidezko egiletza-inguruneak dira, eta bereziki diseinatuta daude multimedia-adituek erabil ditzaten, multimedia-edukiak eta -aplikazioak sortzerakoan (aditu horiek ez dira ordenagailu-adituak izan behar ezinbestean). Egiletza-tresna on batek edukiak sortzeko eskakizunak lehenesten ditu, eta ordenagailuekin lotutako edozein zailtasun ezkutatu.
  • Kanal anitzeko Bistaratzea eta Elkarrekintza eduki digitalekin Liburutegi Digitalen alderdi gakoa da, liburutegiak eduki digitalak modu elkarreragilean eta bisualean erabiltzeko formarik garrantzitsuenak baitira.
  • Bilaketen/Arakatzeen bidez, erabiltzeak multimedia-eduki zehatza bila dezake Liburutegi Digitaletan. Multimedia-bilaketen eta -arakatzeen teknologiek ez dute testua lantzen soilik, baizik eta baita edukiaren irudizko, bideozko, soinuzko eta 3D ezaugarriak ere.

 

 

Galeria

Arloarekin lotutako proiektu nagusiak