Vicomtech zentroak ISO-13485 ziurtagiria lortu du, osasun produktuen esparruan softwarea eta adimen artifiziala diseinatzeko eta garatzeko duen gaitasuna bermatuz

ISO 13485 araua pazienteentzako gailu mediko seguruak garatzeko beharrezkoak diren kalitate irizpideak bermatzen dituen araua da, gure bezeroen baldintzak eta aplikatu beharreko lege baldintzak betez, hala nola software motako gailu medikoen espezifikotasuna arautzen duen Medical Device Regulation (MDR) Europako araudi berriarekin lotutakoak.

Ziurtagiri berri horrekin, gure bezeroei, garatzaile teknologiko gisa, ziurtagiri hori behar duten produktuak merkatura iristea erraztu nahi diegu, bereziki software sanitarioak, adimen artifizialeko osagaiak edo osagai digitalak dituzten sistemak, erabaki klinikoak hartzen laguntzeko, hala nola diagnostikoak, terapeutikoak edo bestelakoak.

Gainera, arau-ingurune aldakor batean, Espainiako lehen zentro teknologikoa gara adimen artifizialeko produktu medikoen espezifikotasunari aurre egiten, horiek garatzeko irizpideak ezarriz eta ezarpen klinikoetan balioztatze inkrementala eginez. Aldaketa horiek, gainera, etorkizuneko AA Legerako prestatzen gaituzte, non produktu horiek arrisku handiko AA osagaitzat hartzen diren, pazienteekin erabiltzeko orientazioagatik.

Errekonozimendu horrek indartu egiten du gure bezero eta bazkideekin lankidetzan jarraitzeko gaitasuna, konponbide berritzaileak, seguruak eta arauekin bat datozenak garatzeko.
Gainera, Vicomtech-en, Adimen Artifizialari eta software sanitarioari aplikatutako berrikuntza teknologikoarekin konprometituta, beti bilatzen dugu pazienteen bizi kalitatea hobetzea, osasun zainketen prozesuak eta emaitzak optimizatuko dituzten tresnen bidez.

Urteak daramatzagu osasun ingurunean lanean, osasunaren arloan eraldaketa digitala bultzatzen duten abangoardiako soluzio teknologikoak garatzen. Ziurtagiri horrek gure garapen bakoitzaren segurtasunarekin eta kalitatearekin dugun konpromisoa indartzen du, eta sektorean erreferente gisa dugun posizioa sendotzen du.

Lorpen berri horrekin, industria biomedikoari soluzio teknologiko berritzaileak eskaintzeko misioan aurrera egiten jarraitzen dugu, pazienteen bizitzan benetako aldea markatzeko, profesional klinikoen lana errazteko eta osasun ingurune eta sistemak optimizatzeko.