Computer Graphics
Computer Graphics teknologiak bere baitan biltzen ditu irudiak, modeloak eta esperientziak 2D/3Dn nahiz 4Dn (denborazko dimentsioa) sintetizatzeko erabiltzen diren teknologia guztiak, modeloen, egoeren eta kontzeptuen irudikapen digitala eta bistaratze interaktiboa edukitzeko aukera ematen diotenak erabiltzaileari.
Era askotako aplikazioak dituen oinarrizko teknologia
Gure taldeak domeinu partikularretako informazio espezifikotik abiatuta irudikapen bisual interaktiboak (irudiak, modeloak eta esperientziak) sortzeko prozedurak eta teknologiak garatzen ditu. Horiek aplikazio ugari dituzte domeinu espezifikoetan, eta barne hartzen dituzte prozesu industrialen 3D simulazio interaktiboa, Errealitate Birtuala eta Errealitate Areagotua, Irudi Mediko bidezko plangintza kirurgikoa, Big Data inguruneetarako Bistaratzea, GIS Geobistaratze inguruneak, Mobile 3D Graphics eta beste asko.
Errealitate Birtuala eta Errealitate Areagotua
Computer Graphics teknologian sakontzeko lerro garrantzitsuenetako bat Errealitate Mistoa da, barne hartzen dituena Errealitate Birtuala (3D murgiltze ingurune interaktiboak erabat birtualak diren esperientzietarako) eta Errealitate Areagotuaren eremu garrantzitsua, non erabiltzaileak mundu fisikotik hautematen duena (ikusmenaren eta beste zentzumen batzuen bidez) areagotzen duen, informazio birtualarekin. Gure adituek teknologia berriak garatzen dituzte; azken gailuekin lan egiten dute, eta EB/EAren erabilera erreala errazten dute, Virtual Engineering edo Computer Aided Surgery lerroetan, esaterako.
3D simulazio interaktiboa
Denbora errealeko elkarreragitea ahalbidetzen duten industriako, medikuntzako edo beste eremu batzuetako prozesu konplexuen 3D simulazioa gure laneko alderdi garrantzitsu bat da. Badakigu modelo konplexuak interpretatzen (adibidez, materialetako prozesu industrialak bero edo ebaketa tratamenduetarako, ehunak birsortzeko prozesuak medikuntzan, suteen hedapen-ereduak baso-suteetan, etab.), eta horiek denbora errealean simulatzeko algoritmoak eta prozedurak sortzen ditugu. Horrek denbora asko aurrezten du sektore bakoitzeko soluzio onenak lortzeko.
Arrakasta-kasua
- Argitalpenak
- Proiektu nagusiak
Zure hurrengo proiekturako kide bila zabiltza? Idatz iezaguzu, laguntzeko irrikan gaude.
