Lehen mailako nazioarteko aldizkari espezializatuetan (journals)kontrastatutako ereduetan oinarritzen da gure metodologia, eta, hari esker, gure bezeroei balioa ematen diegu modurik efizienteenean, zainduenean eta gardenenean.

Kudeaketa integralaren alde egiten dugu honako helburu hauekin:

  • Abangoardiako metodologiak inplementatzea
  • Gure prozesu guztiak eta bakoitza optimizatzea
  • Enpresei teknologia transferitzea gardentasunik handienarekin
  • Gure emaitzetan eta haien neurketan etengabeko hobekuntza bilatzea
Gure metodologia ikertzaileentzako karrera profesionaletarako

Gure metodologia ikertzaileentzako karrera profesionaletarako

Gure metodologiak karrera profesionalen sistema koherente, argi eta objektiboa jartzen du ikertzaileen eskura, eta prestakuntza eta garapena errazten ditu ikerketa aplikatuaren esparruan. Sistemak ikertzailea ahalduntzen du eta bere ibilbidearen eta espezializazioaren jabe egiten du. Bere ezagutza-arloak ezagutza-mapa baten bidez azaltzen dizkio eta, Vicomtech-en mapa teknologikoaren arabera, zein arlotan fokatu behar den erakusten dio. Sistema honek erakundearen erdigunean kokatzen ditu pertsonak, eta plan estrategikoan markatutako helburu globalak lortzeko bidean jartzen ditu.

Karrera profesionalen sistema honen oinarria Vicomtech-ek garatutako eta inplementatutako metodologian datza, nazioarte mailan lehen mailako argitalpen zientifikoetan baliozkotu dena (Q1).

ZIURTAGIRI ETA AINTZATESPENAK

HR Excellence in Research

Europako Batzordearen HR Excellence in Research aintzatespena daukagu, zeinak ziurtatzen duen ikertzaileak kontratazio aske eta gardenaren bidez eta merezimenduetan oinarrituta kontratatzen ditugula (OTM-R: Open, Transparent and Merit-based Recruitment of Researchers). 

Europako Batzordeak Europako Ikertzaileen Estatutuak eta Ikertzaileak Kontratatzeko Jokabidearen Kodea garatu ditu, eta horiek funtsezko elementu bilakatu dira Europar Batasuneko politikan; ondorioz, ikerkuntza ogibide erakargarri bilakatu da, eta hazkunde ekonomikoa eta enplegua sustatu dira Europan. Ikertzaileen merezimenduetan oinarritutako kontratazio ireki eta gardena da Europako Ikertzaileen Estatutuen eta Jokabide Kodearen oinarrietako bat.
Helburua zera da, bermatzea ezagutzaren sorkuntza eraginkorra, transferentzia eta erabilera partekatua sustatzen direla, eta baita ikertzaileen garapen profesionala ere, hasierako etapetatik. Horrez gainera, Jokabide Kodea ikertzaileak hautaketa-prozesu justu eta gardenen bidez kontratatzeko erabiltzen da. 
OTM-R neurriari esker, ikertzaileen ibilbidea erakargarriagoa da, hautagai guztien aukera berdintasuna bermatzen da eta mugikortasuna errazten da. Oro har, ikerkuntza-inbertsioetako gastuen eraginkortasuna areagotzen lagundu dezake.

Deskargatu:

ISO 14001:2015

ISO-14001

Ingurumena Kudeatzeko Sistemak
Metodologia abangoardista daukagu zentroko aktibo ukiezinen ingurumen alderdiak identifikatu eta ebaluatzeko. Ingurumenean eragina izan eta ingurumenaren baldintzak alda ditzaketen alderdi guztiak identifikatuta daude eta denbora errealean zenbatesten dira. Metodologia hori Vicomtech-en ingurumen-aztarnaren bidez ezarri da. Aukera ematen du zuzenean edo zeharka erakundearen jarduerarekin lotuta dauden ingurumen-arriskuak ebaluatzeko eta ingurumenean dugun zeregina  hobetzeko, eta, era berean, gure hornitzaile eta azpikontratistekin elkarreragina izan dezakegu, jokabideei dagokienez. 

ISO 9001 y UNE 166002:2014

I+G+B Kudeatzeko Sistemak
Egiaztagiri horiek I+G+Bko bikaintasuna aitortzen digute, eta berrikuntzaren kudeaketaren abangoardian kokatzen gaituzte. Vicomtech-en kasuan, zehazki, I+G+B profesionalki kudeatzen dugula egiaztatzen dute. 2014az geroztik, UNE 166002 arauaren bertsio berriak, aitorpen honek oinarritzat duenak, I+G+Bko Kudeaketako TS 1655 Europar Zehaztapen Teknikoaren jarraibideei jarraitzen die. Zehaztapen hori Europako Normalizazio Batzordeak argitaratu zuen. I+G+Bren kudeaketaren ikuspegitik aplikatzen dugu ISO9001, araua I+G+B proiektuen kudeaketara egokituz.

Reconocimiento de plata a la gestión avanzada

2015eko abenduan jasotako saria
Sari horrek kudeaketa jardueretan aurreratuen dauden erakundeak aitortzen ditu, hau da, interes talde guztien (bezeroak, langileak, kudeaketa organoak eta gizartea) gogobetetze orekatua bilatzen duten erakundeak. Vicomtech-en, I+G+B kudeatzeko sistemarekin erregulatzen ditugu jarduera guztiak, hau da, emaitzak etengabe hobetu eta neurtzen ditugu; berrikuntza teknologikoko prozesuak optimizatzen ditugu, eta ezagutzak sortu eta transferitzen ditugu. Hori guztia eginez, kalitate handiko metodologiak dauzkagula bermatzen dugu.
 

Jar zaitez gurekin harremanetan:

Vicomtech

Gipuzkoako Zientzia eta Teknologia Parkea,
Mikeletegi Pasealekua 57,
20009 Donostia / San Sebastián (Espainia)

+(34) 943 309 230

close overlay