Konpromiso soziala

Konpromisoa gure ingurunearekin eta euskararekin

Gure ingurunea, gure kultura eta gure hizkuntza zaintzen ditugu. Gure sustraiak babesten laguntzen dugu. Egunerokoan euskararen erabilera sustatzen ahalegintzen gara, eta hizkuntza gizarte osora zabaltzen dugu teknologiaren bitartez.

Konpromisoa gazteekin eta gizartearekin

Gazteenen bokazio zientifiko-teknologikoak bultzatzen eta babesten ditugu. Urtero zenbait ikastetxeren bisita izaten dugu, eta DBHko eta Batxilergoko ikasleei nola lan egiten dugun eta zer egiten dugun azaltzen diegu. Zalantzak argitzen dizkiegu, entzun egiten diegu, gidatu egiten ditugu. Zentroko ikertzaile baten egunerokoa nolakoa den azaltzen diegu, saioa irudikatuz benetako proiektuen adibideen laguntzarekin. Bisitaldi bat proposatu nahi badiguzu jar zaitez gurekin harremanetan

Hertsiki teknologikoak ez diren hainbat forotan parte hartzeko askotariko eskaerei erantzuten diete Vicomtech-eko ikertzaileek, eta, foro horietan, interes orokorreko galderei erantzuten diete, lortzen ari diren emaitzek egungo gizartean nola eragiten duten azaltzen dute, eta etorkizunean teknologiatik zer espero dezakegun aurreratzen dute, besteak beste.

Konpromisoa ingurumenarekin

Bere gizarte-erantzukizuna betetzen duen Fundazio bat gara. Betidanik hartu dugu gure gain ingurumena babesteko konpromiso sendoa. Gure jarduera guztien garapenean ingurumen-kontzientziazioko ekintzak sustatzen ditugu, ondoren gure interesdunen artean zabaltzeko. 2018an, etengabe hobetzeko gogoak gidaturik, beste aurrerapauso bat egin genuen, gure ingurumen-kudeaketa ziurtatuz ISO 14001 arauari jarraikiz.

Gardentasun-konpromisoa

Zentro Teknologiko bat izanik, Vicomtech-ek bat egiten du Gardentasunari, Informazio Publikoa Eskuratzeari eta Gobernu Onari buruzko Legearen helburuekin, bere jarduerarekiko gardentasuna erakusteko.

Ikusi datuak gardentasunari buruzko legearen arabera

Berdintasunarekiko konpromisoa

Berdintasunerako Legearen helburuekin bat egiten dugu, eta aniztasunaren, tolerantziaren eta genero-berdintasunaren aldeko apustua egiten dugu. Gure Pertsonen Zuzendaritzaren politika pertsonen garapenean oinarritzen da, sexua edo jatorria edozein dela ere, eta datu objektiboetan oinarritutako jardunaren eta karrera profesionalaren ebaluazioa bere gain hartzen du.

Vicomtechen erabateko berdintasuna diskriminazioa saihesteaz gain, emakumeen eta gizonen aukera-berdintasuna bermatzen dugu zentroan sartzerakoan, kontratazioan eta lan-baldintzetan, sustapenean, prestakuntzan, ordainsarian, norberaren bizitza, familia eta lana uztartzean eta lan-osasunean.

Informazio gehiago

Garapen Jasangarriko Helburuekiko konpromisoa

Ikerketa aplikatuaren eta transferentzia teknologikoaren bidez gizartean eragin positiboa sortzeko lan egiten dugu. Industriak eraldatzeko eta bizitzak hobetzeko dugun asmoa estuki lotuta dago Nazio Batuek bultzatutako Garapen Jasangarrirako Helburuekin, jasangarritasuna eta erantzukizun soziala txertatuz gure berrikuntza estrategian.

Gure jarduerak egungo erronka globalei erantzuten die, eta bereziki 3., 4., 8., 9., 10. eta 16. helburuei egiten die ekarpena, osasunarekin eta ongizatearekin, hezkuntzarekin eta etengabeko ikaskuntzarekin, berrikuntza industrialarekin, gardentasunarekin eta teknologia etiko, inklusibo eta seguruen garapenarekin lotura estua duten ekimenak sustatuz.

Gainera, “Euskadi Basque Country 2030 Agendaren” ildotik, “Hizkuntza eta kultura aniztasuna” gaiari buruzko 18. GJHan ere laguntzen dugu, euskararen erabilera sustatuz eta teknologiaren bidez hizkuntza gizarte osora hurbilduz.

Informazio gehiago