Langileak entrenatzeko eta ebaluatzeko ekoizpen-prozesuen birsortze birtuala

Alecop Taldea

Errealitate birtualeko tutoretzak eta industria-lanetako lanbide-prestakuntzara bideratutako prestakuntza-ikastaroak sortzeko metodologia

Langileak entrenatzeko eta ebaluatzeko ekoizpen-prozesuen birsortze birtuala

Teknologiak:

Computer Vision

Erronka

Alecop Hezkuntza eta Heziketa Tekniko Profesionaleko proiektuen garapenean espezializatuta eta ekipamendu didaktiko eta teknikoaren diseinuan eta fabrikazioan liderra den enpresak, erronka teknologiko handia dakarren premia baten berri eman digu. Espezializatuta gauden teknologia digitalen bidez, tresna berritzaileak garatzea eta ezartzea planteatzen dute, ikaskuntza prozesu birtualetan oinarritutako lanpostu industrialetan profesionalak sartzea errazteko. Tresna horietan oinarrituta, langileek aukera izango dute lanpostuko eragiketak modu seguruan ikasi eta praktikatzeko, lanean hasi aurretik.

Ekimen hau Vicomtech-en eta Alecopen ikaskuntza-inguruneen eta ekipamendu didaktikoaren esperientzia eta ezagutza teknologikotik sortu da, industria- eta manufaktura-sektorearen beharrak kontuan hartuta; izan ere, gero eta gehiago, lehiakorragoak izango diren tresnak eta garapen  berriak behar baitituzte.

Proposatutako soluzioa

Planteatutako premiari erantzuteko, metodologia bat garatzeari ekin diogu, errealitate birtualean tutoretzak eta industria-lanetako prestakuntza profesionalera bideratutako prestakuntza-ikastaroak sortzeko, honako arazo hauek konpontzeko aplika daitezkeen tresna birtualak eskainiz:

  •  lan-estazioen eredu birtuala 3D berreraikitzeagatik nola sortu
  • espero den portaera 3D ereduetan nola aplikatu
  • online tutoretzak nola prestatu eta langileak ingurune birtualean nola gaitu

Metodologia hori aplikatzeko, 3D edizio-algoritmoak garatu dira eta errendimendu handiko interakzio-motor bat sortu da. Horrela, lanpostuaren erreplika birtuala zehaztasun handiz sortzen duen sistema bat lortu da. Aplikazio hori, gainera, gailu anitzekoa da, eta pertsona-makina interakzio-modu desberdinak sortzeko eta editatzeko gaitasuna barne hartzen du. Horrela, murgiltze-errealitate birtualeko tekniken bidez, lanpostuan behin betiko sartzeko fasean aurretiko ikaskuntzaren emaitzen ebaluazioa egitea ahalbidetzen da.

Emaitza

Lortutako emaitzak hainbat zerbitzu berri ekarri ditu eta helburu komertzialak betetzea erraztu du.

  • Prestakuntza eta ebaluazio pertsonalizatuak, industria bakoitzaren beharretara egokituta.
  • Lanpostu baten erreplika birtuala mantentzean eta eguneratzean oinarritutako zerbitzuak, lanpostu horretako aldaketei erantzunez eta instrukzio-prozesua hobetuz.
  • Lanpostuen erreplika birtualak sortzeko eta mantentzeko bitartekoak alokatzea
  • Enpresa bakoitzaren beharretara egokitutako ikaskuntza- eta ebaluazio-sistemaren salmenta.

Ekimena CDTI Garapen Teknologiko Industrialerako Zentroak eta Eusko Jaurlaritzak SPRIren bidez bultzatutako Hazitek programak finantzatu dute.

Zure hurrengo proiekturako kide bila zabiltza? Idatz iezaguzu, laguntzeko irrikan gaude.

Vicomtech

Gipuzkoako Zientzia eta Teknologia Parkea,
Mikeletegi Pasealekua 57,
20009 Donostia / San Sebasti√°n (Espainia)

+(34) 943 309 230

Ensanche eraikina,
Zabalgune Plaza 11,
48009 Bilbo (Espainia)

close overlay