Digital Platforms & Data Spaces
Vicomtech-ek Adimen Artifizialaren ikerketa aplikatua ikuspegi integral batetik lantzen du, datuetan eta sektore bakoitzerako egokitutako soluzioen ikuspegi sistemikoan oinarrituta (industria, osasuna, garraioa, segurtasuna…). Badakigu Adimen Artifizialaren arrakasta ez dela teknologia isolatu gisa ulertzea, baizik eta enpresetan, industrian eta erakundeetan txertatzeko ezinbesteko gaitzaile gisa Plataformak eta Datu-Espazioak behar dituela. Europako ekimenetan parte aktiboa gara, hala nola IDSA –International Data Spaces Association–, Gaia-X, IDTA –Industrial Digital Twin Association– eta CATENA-X, eta horrek ikuspegi integrala eta transferentzia errealerako aukera ematen digu.
Adimen Artifiziala Plataforma Digitaletan eta Datu-Espazioetan
Lehen maila batean, digitalizazioa, estandarizazioa, integrazioa, moldagarritasuna eta modularitatea dira Plataforma Digitaletan eta Datu-Espazioetan garrantzitsuenak, baita Data Lake edo Data Warehouse bezalako kontzeptu erlazionatuetan ere. Hala ere, potentzial handiena Adimen Artifiziala txertatzean garatzen da, datu eta plataforma horietan oinarritutako AArako sistema aplikatuak sortzeko.
Datu-Espazioak
Datu-Espazioak elkarlan-izaerako ingurune digitalak dira; bertan, soluzio teknologiko eta digitalak ez ezik, datuak partekatu eta erabiltzeko arauak ere eskaintzen dira. Datu horiek zerbitzuak modu ziberseguruan, fidagarrian eta araudi industrial edo legalarekin bat ematea ahalbidetzen dute, eta, horrela, berrikuntzarako eta eragin ekonomiko eta sozialerako aukerak sortzen dituzte.
Sektoreak eta erabilera-kasuek modu esanguratsuan baldintzatzen dute Datu-Espazioen diseinua eta garapena: Vicomtech-en tokiko zein nazioarteko Datu-Espazioetan lan egiten dugu, besteak beste industria, garraio, osasun, nekazaritza eta segurtasunean.
Era berean, Vicomtech-ek data lake, data warehouse, data mesh eta data fabric bezalako teknologia eta kontzeptu osagarriak lantzen ditu, gure bezeroen eta kolaboratzaileen beharretara egokituta.
Plataforma Digitalak
Plataforma Digitalek bi ikuspegi osagarri dituzte: oinarri gisa balio dute irtenbideak eta IT sistema digital integratuak egituratzeko, eta, aldi berean, mundu fisikoarekin interfaze naturala gaitzen dute. Plataforma Digitalek mundu fisikotik informazioa jasotzea, ulertzea, simulatzea eta bertan jardutea ahalbidetzen dute.
Estandarizazioa, integrazioa, moldagarritasuna eta modularitatea funtsezko elementuak dira gure Plataforma Digitalen ikuspegian.
Lotutako
software liburutegiak
Viulib
Streame!
Zure hurrengo proiekturako kide bila zabiltza? Idatz iezaguzu, laguntzeko irrikan gaude.
