Donostiako Zinemaldiak Startup Challenge Jaialdiaren hirugarren deialdia ireki du

Donostiako Zinemaldiak Zinemal-dia startup Challenge-ren hirugarren deialdia irekiko du gaur. Ekimena Zinemaldia & Technology jaialdiaren laugarren edizioaren barruan egingo da. Zinemaldiaren apustu estrategikoa da, ikus-entzunezko teknologia eta industriari buruzko hausnarketarako gune erreferente gisa kokatzeko.

Hautagaitzak jasotzeko epea ekainaren 1ean amaituko da. Lehiaketa ekintzaileei eta sorkuntzako startup-ei zuzenduta dago – 2015eko abenduaren 31tik aurrera eratuak –, Europako enpresa-proiektu berriak proposa ditzaten, teknologia berrien inkorpo-razioan oinarrituta eta ikus-entzunezkoei zuzenduta. Gainera, legezko egoitza bat izan beharko dute Europako herrialde batean, eta enpresa-proiektua Euskadin martxan jartzeko aukera jaso beharko dute.
Hautatutako proiektuak Zinemaldian zehar biribilduko den jardunaldi batean aurkeztuko dira, klase magistral bat barne.

Eusko Jaurlaritzak, Ekonomiaren Garapen eta Azpiegitura Sailaren bidez, Zinemaldia Startup Challenge sustatzen du. Zinemaldia & Technology jardunaldiaren ekimen nagusia da, eta aurten laugarren edizioa beteko du. Donostia Zinemaldiak, Tecnaliak eta Tabakalerak antolatzen dute, Vicomtech ikerketa aplikatuko zentroaren laguntzarekin. Tabakalerarekin, 2deo ikus-entzunezko laborategiaren bidez, jarduera urtean zehar zabaltzeko lan egiten da.

Aurreko edizioetan, Zinemaldia & Technology zinema-industriako teknologo, zinemagile eta profesionalentzako topaleku izan zen. 2018an, J.A. Bayona zinemagileak hasiera eman zion jardunaldiari klase magistral batekin; 2019an, Lucía Peraltak "digital Matte Painter" gisa zuen esperientzia partekatu zuen, eta, 2020an, Marc Ortsek soinuaren teknologiaren bilakaerari eta soinu-banda bat sortzeko prozesuari buruz hitz egin zuen.

10.000 euroko saria eta 500.000 eurorainoko finantzaketa posiblea
Izen-ematea online formulario baten bidez egin ahal izango da, Zinemaldiaren webgunean bertan (www.sansebastianfestival.com). Adituen batzorde batek bost finalista aukeratuko ditu, eta horiek aukera izango dute urtebetez Euskadiko Parke Teknologikoen Sareko BICetako (Business Innovation Center) inkubazio-gune batera doan sartzeko, Zinemaldiko jarduera eta ekitaldi guztietara sartzeko eta bidaia- eta ostatu-gastuak estaltzeko. Aukeratutako proiektuak prentsa-ohar baten bidez jakinaraziko dira abuztuaren hasieran. Azkenik, irailean, Zinemaldian, epaimahai independente batek proiektu irabazlea aukeratuko du eta 10.000 euro jasoko ditu. Irabazleak eta lau finalistek 500.000 eurorainoko finantzaketa eskuratu ahal izango dute, euren proiektua Euskadin garatzeko.

Kontaktua
• Startupchallenge@sansebastianfestival.com
• Tel.: +34 943 481 217
• Www.sansebastianfestival.com