Vicomtech-ek, Mondragon Unibertsitateak eta Ikaslan Gipuzkoak bigarren saria jaso dute STEAM Euskadi sarietan, beren proiektu komunarekin: STEMotiv

Vicomtech-ek, Mondragon Unibertsitatearekin eta Ikaslan Gipuzkoarekin batera, STEMotiv proiektuarengatik bigarren sari bat jaso du STEAM Euskadi sarietan, gazteei, batez ere emakumeei, zuzendutako zientzia- eta teknologia-prestakuntzako ekimen berritzaileenak saritzen baitituzte. STEAM hezkuntza-proiektuak garatzen dituzten erakundeei zuzenduta daude, hala nola ikastetxeei, ikerketa-zentroei, unibertsitateei, enpresei eta abarri. Eusko Jaurlaritzako Hezkuntza Sailak, Innobasque Berrikuntzaren Euskal Agentziarekin lankidetzan, STEAM Hezkuntza sustatzeko deitzen ditu sari horiek.

STEMotiv proiektuaren helburua DBHko ikasleek STEAM (Zientzia, Teknologia, Ingeniaritza eta Matematika) ikasgaiekiko duten interesa eta motibazioa ulertzea eta horretan eragitea da, modu positiboan eraginez eta STEAM ikasgaietan Derrigorrezko Bigarren Hezkuntzako ikasleen motibazioa piztuz. Gainera, proiektuak arreta berezia jarri du nesken motibazioan, eta Gipuzkoako hainbat ikastetxetako DBHko hirugarren mailako ikasleen artean gauzatu da.

Vicomtech-en rola, batez ere, estatistikan, bisual analyticean eta adimen artifizialean oinarritutako datuen analisi aurreratua egitea izan da, datuetatik baliozko ezagutza ateratzeko helburuarekin. Ikasturtean zehar hainbat eskolatako DBHko ikasleei STEAMekin lotutako hainbat irakasgairi buruz helarazi zaizkien galdetegiak aztertu dira, eta Vicomtech-en zeregina ikasleek irakasgai horiei buruz duten pertzepzioa aztertzea izan da. Jarduera horiekin ikasleek ikasturtearen amaieran STEAM irakasgaiekiko duten pertzepzioan aldaketarik izan den egiaztatzea izan da helburua.

Saria ekainaren 8an jaso zen Bilboko Artxibo Historikoan. Zorionak ekipo!