Ezezaguna GOgoratzeKo eta Ikasteko Adimen Artifiziala

Testuinguru horretan sortu zen EGOKIA. Proiektuaren helburua da ingurunearen egonkortasunaren mende ez dagoen AA mota bat garatzea, aldaketarekin bizitzeko prestatuta dagoena: prozesua noiz aldatzen ari den detektatuko duen AA bat, aldaketa hori ezaugarritzeko gai izango dena eta ekoizpena gelditu gabe eta entrenamendu integralak eskatu gabe ikasiko duena edo egokituko dena. Horretarako, EGOKIAk detekzio – karakterizazio – egokitzapen ziklo osoari heltzen dio, Open World Learning paradigmaren barruan (OWL [2,3,4]): zerbait berria gertatzen ari dela identifikatzea, aldaketa hori zeregin industrialerako garrantzitsua den ulertzea eta modu kontrolatuan egokitzea, prozesuaren fidagarritasunari eusteko. Hori guztia, industria ingurune errealetan har daitezkeen mekanismoak eta funtzionaltasunak eraikiz, hardware murrizketekin eta egonkortasun eskakizunekin.