Vicomtech eta Aingura Ilot-ek IoT Solutions World Congress 2022 jaialdian parte hartuko dute Bartzelonan «digital Twin for pick and place with high speed automation» testbed-arekin

Vicomtech-ek eta Aingura Ilot-ek pasa den maiatzaren 10ean Bartzelonara eraman zuten beren testbed «digital Twin for pick and place with high speed automation», fabrikazio-lineen malgutasuna nola handitu erakusten saiatzen den sistema bat, Covid-19aren pandemiak utzi digun digitalizazioa sustatzeko agertoki berrira egokitzeko. Testuinguru horretan diseinatu, inplementatu eta baliozkotu da fabrikazio adimenduneko zirkuitu bat. Bertan, biki digital bati adimen artifiziala, errealitate birtuala eta areagotua, konektibitate industriala, Robot Operating System, Computer Vision, 5G eta High Frequency Real Time Data teknologia aurreratuak integratzen eta aplikatzen zaizkio.

Bestalde, Vicomtech-ek eta Aingura Ilot-ek bigarren stand bat dute IoT Solutions-en pabiloiko Digital Twin eremuan. Partzuergoak, duela hilabete batzuk Vicomtech Espainian Branch Organiser izendatu zuena, biki digitalen ezagutza, adopzioa, elkarreragingarritasuna eta teknologiaren garapena bultzatzen ditu, industriaren, akademiaren eta gobernuaren esperientziaren lankidetza-elkarte baten bidez.

Kongresu horretara 300 konpainia baino gehiago joango dira, egungo industria irauli eta eraldatzen duten soluzio eta teknologia berritzaileak eskainiz. Horrez gain, negozio- eta teknologia-exekutiboentzako topagune globala izango da, emaitza berritzaileak, disruptiboak eta iraultzaileak lortzeko aprobetxatu nahi duena.