Vicomtech Zentroak Tecnosec-en segurtasunari aplikatutako Adimen Artifizialeko gaitasun teknologikoak erakutsiko ditu maiatzak 11 eta 12an

Vicomtech Zentroak segurtasunari aplikatutako soluzio teknologikoen garapenaren aldeko apustu sendoa egiten du, Europako programa eta ekimenetan duen parte-hartze zabalak erakusten duen bezala. Izan ere, zentroa erreferentziazko eragilea da nazioartean, Adimen Artifizialean oinarritutako segurtasun-soluzioen garapenean. Programa horien emaitzen arabera, Vicomtech Estatuko zentro teknologikoa da, Europako Batzordeak H2020ko Sozietate Seguruen gaian gehien finantzatzen duena, eta funts horien bigarren erakunde onuraduna nazio mailan. Zentroa, beraz, oso kokatua dago segurtasunerako ikerketa eta berrikuntza teknologikoko Europako programaren esparruan

Vicomtech-ek Europako industria aurreratuenarekin lan egiten du Adimen Artifizialaren esparruan, eta azken aurrerapen teknologikoen abangoardian mantentzen da irudiaren analitikaren, hizketaren teknologien eta hizkuntza naturalaren eta zibersegurtasunaren arloetan.

Estatuko eta Europako segurtasun-indar eta -kidegoekiko harreman estuaren ondorioz, Vicomtech-ek bere garapen teknologikoak aplikatzen eta optimizatzen ditu, egungo eta etorkizuneko segurtasun-mehatxu nagusiek ezarritako beharrak asetzeko.

Vicomtech-en segurtasun-teknologiak eta -aplikazioak garatzeko Adimen Artifizialaren aplikazioak hiru oinarri ditu:

Irudiaren eta bideoaren prozesamendu eta analisi automatikoa; horri esker, segurtasun-arloetako erronkei heltzen zaie, hala nola mugen kudeaketari, krimen antolatuari eta haurren esplotazioaren aurkako borrokari, azpiegitura kritikoen babesari eta espazio publikoei.

Hizketaren eta hizkuntza naturalaren teknologiak funtsezkoak dira terrorismoaren aurkako borrokan polizia-ekintza arintzeko, bai eta online erradikalizazioa ere. Horiek baliagarriak dira, besteak beste, gorroto-diskurtsoak hautemateko, sentimendu-analisiak egiteko eta pertsonak identifikatzeko.

Online jarduera kriminalekin edo nortasun digitalen kudeaketa seguruarekin lotutako portaera eta transakzio anomaloak hautematea errazten duen segurtasun digitala.

Vicomtech-en ezagutza teknologiko zabala, haren baliabideak eta soluzio malguak eta segurtasun-indar eta -kidegoen arazo espezifikoetara egokituak garatzeko duen gaitasuna direla eta, teknologia horiek ikertu, garatu eta aplikatzen dira zentroan, segurtasun-gaitasun aurreratuak gaitzeko funtsezko faktore gisa.