Begise - Eskailera mekanikoetan gertaerak antzemateko sistema bideoaren analisi adimendunaren bidez

Begise

Iraupena:

20.03.2015 - 31.12.2017

Teknologiak:

Computer Vision

Bideo-analisi adimendunaren teknologien aurrerapenak (Video Content Analysis) baita bere merketze eta heldutasun gero eta handiagoa ere, abiapuntua dira teknologia honetan oinarritutako produktu eta zerbitzuen potentzialtasun handiko negozioen garapenerako. Kontzeptualki, bideo-sistemen erabilera tradizionaletik, hau da, pertsonek ikuskatu eta kontsumitu behar duten material grabatuetatik, makinek automatikoki aztertzera eta garrantzizko eta interesdun informazioa aplikazio bakoitzarentzat ateratzera pasatzen ari gara.

Ikuspen artifizialean oinarritutako sistemen erabilera eta bere erabilera adimen artifizialaren metodoekin batera joera ukaezina da hainbat aplikazio sektore desberdinetan: ibilgailu adimendunen munduan (gidatzeko eta nabigaziorako laguntza sistemekin), biomedikuntzan (erabaki klinikoak hartzeko laguntza gisa), trafiko sistemak eta azpiegituren kudeaketa (ibilgailuak kontatu eta sailkatzeko), segurtasuna eta biometria (aurpegi ezagutza, gertaeren antzematea, aisia eta telebista (errealitate areagotua), etab. 

Arrazoiak Video Content Analysis teknologiaren errendimendu eta bidegarritasun praktikoaren leherketa da, gero eta merkeagoak diren hardware osagaiekin batera, gero eta gaitasun konputazional handiagoarekin eta ikuspen artifizialaren eta adimen artifizialaren eremuen finkapena teknologia helduak bezala, azken 10 urteetan eremu esperimentaletik industrialera saltoa eman dutenak. Garrantzi berezia du teknologia honek izaten ari duen eragina segurtasun eta bideozaintza sektorean, non lehengo CCTV sistemak eszenen analisi eta interpretazio sistema potenteetan bihurtzen ari diren, segurtasun aplikazio posible askori, azpiegituren kudeaketari, auzitegiko ikuskapenari etab. lagunduz.

CCTV sistemetan kameren presentziak orain arte ez du pertsonen segurtasuna ziurtatu, adibidez, tren geltokiak, aireportuak etab. bezalako azpiegitura kritikoetan. Izan ere, kamera kantitate handiak eta 24 ordu/7 egunetako monitoretza tradizionalaren beharrak, pertsona batek ikuskatu behar duena, gertaera baten aurrean neurri prebentiboak hartzea bideraezina izatea eragiten du.

Adibidez, eskailera mekaniko edo elektrikoen eszena normalki CCTV kameren bitartez monitorizatua dago, izan ere komertzialguneetan, aireportuetan, garraiobide publikoaren aldageltokietan (metroa, hiri-autobusak), etab. aurki daitezke. Hala ere, orain arte, eremu honetan ez da analisi sistemarik aplikatu, nahiz eta batzuetan eskaileren erabilera desegokia egin, segurtasunean inpaktu garrantzitsua izanik (borrokak, bandalismoa, etab.) 

Hiritarrarentzat bideratutako edozein zerbitzu bezala, oinarrizko segurtasun gomendio batzuk beharrezkoak dira erabilera egokia egiteko eta arrisku egoerak saihesteko. Ondoren hauetako gomendio batzuk azaltzen dira:

- Makilekin, eskorgekin, orgekin edo ibilgailuekin sartzea saihestea.

- Oinutsik edo lokarriak askatuta sartzea saihestea.

- Soilik eskailera zuzenbide egokian mugitzen ari denean sartu.

- Sarrera eta irteera pausoak kontuz baina finkotasunez eman.

- Umeak eskutik sendotasunez heldu.

- Pakete txikiak sendotasunez eskuarekin heldu.

- Eskubanda heldu eskailera mugitzen ari den heinean.

- Arropa askea sarreretatik eta eskailera aldeetatik urrun mantendu.

- Eskailera mekanikoak geldi badaude,  igo eta jaisteko ez erabili eskailera normalak izango balira bezala.

- Eskailera mekanikoak ez erabili salgaien garraioa egiteko.

- Eskaileraren erdian jarri eta aurrera begiratu.

- Eskubandaren gainean etengabeko kontrola mantendu.

- Poltsa edo paketeak ez utzi eskubandaren gainean.

- Aldeetan ez ezarri.

- Ez korrikarik egin, ez eseri, ez jolastu, ez saltorik egin, etab.

- Erabakitasunez atera eta irteera eremua azkar libre utzi beste pertsonak atzetik etor daitezkeelako.

Oinarrizko arau edo gomendio hauek ez jarraitzeak istripuak eragin ditzake, lesio txikietatik hasita istripu larrietaraino eta kasu larrienetan bizitza galtzeraino (adibidez, irteera eremuetan pertsonen pilatzeak eragindako asfixiarengatik). 

BEGISE proiektuak eremu honetan lan egiten du, bere helburu orokorra Video Content Analysis teknologiak sartzea delarik, eskailera mekanikoetan gertatzen diren eszenak aztertu eta interpretatzeko gaitasuna emateko zaintza aplikazioen testuinguruan. Horretarako, geltokietan urruneko prozesaketa unitateak dituen plataforma bat garatuko da eta ikuspen artifizialaren eta adimen artifizialaren teknologiak aplikatuz, denbora errealean alarmak sortuko dituena eskaileraren erabilera desegokia edo funtzionamendu okerra gertatzen den momentuan. 

Alarmen kudeaketarako zentro bat garatuko da, urrutiko unitateetatik datorren informazioa kudeatu, gorde eta prozesatuko duena, honela, segurtasun-langileei edo alarmak jasotzen dituzten zentroei informazioaren kontsumoa erraztuz. Honela, bertako erabiltzaileen segurtasuna zaintzen duten langile arduradunek arazoa gertatu bezain laster jokatu dezakete eta honela istripu posible bat saihestu. BEGISE-ren merkatu potentziala ikaragarria da, estrategikoa eta nazioartekoa, izan ere munduan milioika eskailera eta arrapala mekaniko kontatu daitezke eta esponentzialki kopurua handitzen dijoa nazioek pertsona adinduentzat eta desgaitasunen bat duten pertsonentzat sarbidea errazteko beharra ikusten duten heinean.

Proiektuan DOMINION-ek, proiektuaren lider eta koordinatzaile bezala parte hartzen du, enpresa teknologikoa delako eta merkatuaren ikuspena duelako baldintzen zehaztapena lideratuko du, azken erabiltzaile kidearekin lan eginez (Euskal Trenbide Sareak). VISUAL LINE enpresa teknologikoak sistemaren diseinua egingo du eta proiektuaren parte teknikoa lideratuko du, ospe handiko bi zentro teknologikoen laguntza teknikoaz baliatuz:  Vicomtech, multimedia teknologien sektorean aplikatutako ikerketa zentroa eta Universidad Politécnica de Madrid-ko Grupo de Tratamiento de Imágenes, analisi eta konpresio eremuetan batez ere aditua. Azkenik, Eusko Jaurlaritzaren trenbide sareen kudeatzaile erakundeak, Euskal Trenbide Sareak (ETS), azken erabiltzaile bezalako profilarekin, bere ikuspuntua emango du sistemaren funtzionamenduari buruz egoera errealetan, proiektuan aurrekonturik gabe parte hartuz. 

Proiektu honek Ekonomia eta Lehiakortasun Ministerioko diru laguntza jaso du. Programa honek UEko kofinantziaketa jaso du, garapen teknologikoa,berrikuntza eta kalitatezko ikerketa bultzatzeko helburua duelarik.

 

Logo MINECO Logo MINECO
FEDER FEDER

Jar zaitez gurekin harremanetan:

Vicomtech

Gipuzkoako Zientzia eta Teknologia Parkea,
Mikeletegi Pasealekua 57,
20009 Donostia / San Sebastián (Espainia)

+(34) 943 309 230

close overlay