Hiri-mugikortasuna kudeatzen eta kontrolatzeaz gain, aurreikuspenaren bidez etorkizunerari begira optimizatzen duen aplikazioa

SMARTMUGI proiektuak mugikortasun adimenduneko plataforma bat garatzen du, Donostian eta beste hiri batzuetan mugikortasuna hobetzeko. Helburu nagusia da erabaki operatibo eta estrategikoak hobetzea, hainbat datu-iturriren integrazioaren bidez: bide-azpiegituretan instalatutako sentsoreak, social-ITS sistemak eta telekomunikazio sareetako datu erabiligabeak. Sistemak mugikortasunaren datu historiko eta unekoak bateratu eta analizatzeko aukera ematen du, adierazle nagusiak bistaratuz eta kudeaketa-panelak sortuz.
Plataformak datuen fusiorako, simulaziorako eta predikziorako algoritmoak barneratzen ditu, eta hainbat eszenario ebaluatzea ahalbidetzen du, hala nola bizikleta bideen zabaltzea, espaloi-aldaketak edo errepideen antolaketa berriak. Horrez gain, proiektuak bizikleta partekatuen, motozikleten eta azken miliako banaketa-floten elektrifikazioa eta monitorizazio aurreratua proposatzen du.
Arkitektura aplikazio web eleaniztun batean oinarritzen da, PostgreSQL datu-basearekin eta HTML5, JavaScript eta WebSockets bezalako teknologia aurreratuekin. Kontrol, predikzio eta ikuskapen moduluak egiaztatu dira, sistemaren bideragarritasun teknikoa baieztatuz. Oro har, SMARTMUGI mugikortasun urbana datuetan oinarrituta optimizatzeko irtenbide sendo eta eskalagarria da.