Iraupen luzeko eta ziklo jasangarriko bateriak

Esparru horretan, IRAUBATek ezagutza berritzailea sortzea proposatzen du ion-litio baterien material kritiko eta estrategikoen zirkulartasunean eta jasangarritasunean aurrera egiteko, aipatutako erronka teknologikoei helduz eta bateria jasangarriagoak, zirkularragoak eta seguruagoak garatzen lagunduz, Euskadiren autonomia teknologikoa eta industria lehiakortasuna indartuz.
IRAUBATen helburuak
IRAUBATek material kritikoen horniduraren zirkulartasunean, jasangarritasunean eta erresilientzian teknologia disruptiboak garatzea du helburu, baterien eredu jasangarri eta lehiakor baterako trantsizioa mugatzen duten erronka zientifiko-teknologikoei modu integratuan helduz. Helburu nagusia da balio kate zirkularrean zehar soluzio aurreratuak ulertzea, optimizatzea, digitalizatzea eta eskalatzea ahalbidetuko duten gaitasunak sortzea, karakterizazio goiztiarretik eta fabrikazio jasangarritik berrerabilpenera, birmanufakturara eta birziklapenera.