Landa-mugikortasun adimenduna eta automatizatua

LANDAGO proiektuaren ardatza mugikortasun inklusiboa da, bereziki landa eremuetan bizi eta lan egiten dutenentzat, EBko biztanleriaren ia % 30 baitira. Estatu kide askotan, landa-eremuetan automobilarekiko mendekotasuna handia da, eta garraio publikoaren aukerak ez dira nahikoak nahi diren lurralde-orekei eusteko, eta, gainera, kostu esanguratsuak sortzen dituzte kutxa publikoentzat. Gidaririk gabeko ibilgailuak aukera handitzat hartzen dira pertsonen zein salgaien landa-mugikortasuna hobetzeko.

Hala ere, landa-errepideek erronka paregabeak dituzte automatizazio aurreraturako, hala nola trafiko mistoa, abiadura handiak, bide-baldintza aldakorrak eta nekazaritzako fauna eta makineria. Gipuzkoak, biztanleriaren % 70 baino gehiago landaguneetan eta hiriarteko guneetan sakabanatuta duela, erronka horiei aurre egin behar die. Garraio publikoan urtero inbertsio handia egiten den arren, landako biztanleen beharrak ez dira behar bezala betetzen ari. LANDAGO, industria ikerketa teknologikoko proiektu gisa, teknologia aurreratua garatzeko eta haren onarpen soziala sustatzeko helburuarekin sortu da, landa mugikortasun automatizatuaren erronka espezifikoetara bideratuta.