Industria eta Fabrikazio Aurreratuko Laborategia
Industria eta Fabrikazio Aurreratuko laborategiak hainbat ekipamendu dauzka, ikuspegi artifizial, errealitate birtual, errealitate areagotu, robotika eta fabrikazio adimendunaren ildoetan aplikatutako ikerketarako. Horri esker, ikertzaileek prozesu-baldintzak simulatu, eta horien gainean egin ditzakete hainbat esperimenturen saiakuntzak; betiere, bezeroen premietara egokituta.
Funtzioak
Laborategi honetako funtzioei esker, errazago egin daitezke ikerketa hauek:
Ikuspegi artifiziala
- Punta-puntako 2D/3Dko ikusmen ekipamenduak, tartean, 2D kamerak, RGB-D kamerak, argi egituratua duten eskanerrak, laser triangulatzaileak, estereo fotometrikoko sistema, sistema optikoak, argiztatzaileak, etab., guztiak ere dimentsio-ikuskaritza zein gainazalekoa egiteko erabiltzen direnak
- Saiakuntza-banku malgua, abiadura handiko orga linealduna, ikuskaritza ildoen prototipatze bizkorrerako, ikuspegi artifizialeko hainbat ekipamendu baliatuz
- Beso robotiko artikulatuak, prozesuen ikuskapen eta kontrolerako aplikazioetan erabiltzen direnak: Universal Robots, Kuka IIWA, Kuka LWR 4+
Errealitate birtuala eta areagotua
- Murgiltze-errealitate birtual/areagotuko kaskoak; tartean, Hololens, HTC Vive eta Oculus Rift ekipamenduak
- Projection mapping sistemak, zeintzuek proiekzioa denbora errealean 3D gainazaletara egokitzea ahalbidetzen duten, muntaketa-prozesuetan laguntzeko
- Mugimendua lortzeko ekipamenduak, pertsonaren eta makinaren arteko elkarreragin naturala bultzatzeko
- 6 askatasun graduko tracking optikoko sistemak.
Fabrikazio adimenduna
- Ekoizpen sistema ziberfisikoak (CPPS), denbora errealean hainbat eremu-busetatik datuak bildu eta analisiak egiteko
- Industria sare sekurizatu eta konfiguragarria, ekoizpen agertokien saiakuntzak egiteko.
- Fabrikazio-ingurune erdi-errealak, zeintzuek prozesu diskretu eta etengabeak ezartzen dituzten, tartean, sentsorizazioa eta PLC bidezko kontrola (Beckhoff, Siemens, Phoenix, B&R, etab.).
- Errendimendu handiko HPC konputazio-ekipamenduak, kalkulu banaturako inguruneetan saiakuntzak egiteko (On premise, Edge edo Cloud).
